Balukar Usum Halodo Panjang Debit Cai di Bendungan Cisokan Morosot

Cianjur, sunda_update,- Debit cai di hulu Saluran Irigasi Induk Daerah Irigasi (DI) Cihea, Kacamatan Bojongpicung, Kabupatén Cianjur, Jawa Barat, turun drastis alatan usum halodo anu lumangsung panjang. Kaayaan ieu nyababkeun puluhan héktar sawah ngalaman halodo atawa kagaringan.

Turunna debit éta katingali di Bendung Cisokan anu aya di Cisuru, Désa Sukarama, Kacamatan Bojongpicung. Saluran irigasi DI Cihea mampuh nyaian lahan sawah kurang leuwih 5.000 héktar anu sumebar di Kacamatan Ciranjang, Bojongpicung, jeung Haurwangi.

Patugas Bendungan Cisokan, Hendra Purnama, ngécéskeun yén cai anu asup kana saluran irigasi DI Cihea asalna ti hulu Bendung Cisokan. Tapi, ti tilu bulan katukang, debit cai anu asup kana saluran irigasi terus turun drastis. Nepi ka ayeuna, debit cai kacatet ngan ukur 42,02 liter per detik, malah kungsi turun ka angka panghandapna 29,52 liter per detik. Debit cai ogé mindeng robah-robah unggal poéna.

"Ku debit anu sahandapeun kitu, cai moal mungkin nepi ka saluran irigasi tersier di bagian hilir. Panginten caina geus nyerep kana taneuh anu keur garing saméméhna nepi ka sawah di hilir," pok Hendra, poe Jumat 31 Juli 2026 berang.

Pikeun ngungkulan kasadiaan cai di bagian hilir, pihak bendung babarengan jeung Patugas PSDP Propinsi, pangurus anggota P3A Mitra Cai Golongan, sarta Dinas Tatanén jeung Holtikultura Kabupatén Cianjur ngaliwatan UPTD Palayanan Tatanén Wewengkon Ciranjang. 

Aranjeunna nerapkeun sistem gilir giring, nyaéta ngabagi cai unggal dua poé sakali pikeun unggal golongan P3A Mitra Cai.

Hendra ogé nyuhunkeun kasabaran ka sakumna masarakat anu ngagunakeun cai ti DI Cihea.

"Kami nyuhunkeun kasabaran ka sadaya pihak, sabab debit cai ayeuna keur turun pisan," pungkasna.