Kasida Rewasna Warga Ninggali Handapeun Sasak Cibobas Dihuni si Jabrib. (Poto : Ali).

Cianjur, sunda_update,- Warga Kampung Cibodas, Desa Karangwangi, Kecamatan Ciranjang, Kabupaten Cianjur, Jawa Barat, gegerekan ku ayana saurang lalaki nu cicing di handapeun Sasak Kali Cibodas ti dua bulan ka tukang. Sasak éta jadi wates wilayah Kecamatan Ciranjang jeung Kecamatan Haurwangi, Kabupaten Cianjur.

Lalaki nu nyicingan sasak éta ngaku boga loba ngaran. Kadang disebut Si Jabrik, Dian, Ulen, jeung ngaran-ngaran séjénna. Anjeunna nekat ngadegkeun pondok ukuran 2 x 1,5 méter, kalayan alas karung jeung bilik, sarta hateupna tina plastik gedé jeung bekas baliho.

Pikeun dahar sapopoé, Si Jabrik néangan barang bekas plastik. Sanggeus kakumpul, barang éta dijual ka tengkulak atawa ka pangeuyeuh barang bekas nu maké gorobak.

Salah saurang tokoh nonoman Kampung Cibodas, Suga Sunarya, nyarios yén lalaki nu boga inisial Jabrig éta geus nyieun pondok tina bahan plastik bekas di handapeun Sasak Cibodas salila kurang leuwih dua bulan.

Warga ngarasa hariwang, utamana waktu usum hujan. Lamun cai walungan surut, pondok éta masih katingali aman. Tapi lamun hujan turun jeung banjir datang, pondok éta pasti bakal kakeueum. Warga ogé hariwang lamun banjir datang tengah peuting, pondok éta bisa kasebak ku cai.

Warga geus sababaraha kali nyaram lalaki éta ngadegkeun pondok di handapeun sasak lantaran rawan banjir. Tapi anjeunna tetep bertahan. Ku kituna, warga ngarepkeun pihak nu aya patalina geuwat ngévakuasi lalaki éta sangkan teu cicing deui di handapeun sasak.

"Warga geus usaha nyaram, tapi anjeunna tetep bertahan. Kami ngarepkeun pihak nu aya patalina geuwat ngévakuasi anjeunna sangkan teu cicing di handapeun sasak," ceuk Suga Sunarya.

Samentara éta, waktu ditanya ku wartawan, lalaki nu nyicingan Sasak Cibodas éta ngaku boga loba ngaran. Aya nu nyebut Si Jabrig, Dian, Ulen, jeung ngaran séjénna.

Anjeunna nyarios, pikeun dahar, anjeunna ngajual barang bekas nu geus kakumpul. Anjeunna ogé ngaku teu hayang pindah lantaran betah cicing di dinya. Numutkeun anjeunna, tempat éta deukeut jeung cai, hawana tiis, sarta anjeunna teu sieun banjir.

"Ngaran abdi loba, Pak. Aya nu nyebut Si Jabrik, Dian, Ulen, jeung séjénna. Abdi teu hayang pindah, betah di dieu deukeut cai ogé tiis. Lamun banjir mah kajeun, sangkan bisa mancing," ceukna.

Waktu diajak ngobrol, lalaki éta kadang ngajawab nyambung, tapi kadang ogé ngalantur.