​CIANJUR — Pamaréntah Desa Sukamanah, Kacamatan Cugenang, Kabupatén Cianjur, ngalaksanakeun kagiatan Musyawarah Desa (Musdes) dina raraga Nyusun Rencana Gawé Pembangunan Desa (RKPDes) Taun 2027. Kagiatan anu lumangsung di Aula Desa Sukamanah dinten Jumaah, 02 Oktober 2026 lumangsung kalawan khidmat tur partisipatif.

​Musdes dipingpin langsung ku Kepala Desa Sukamanah, Indra Surya Pradana, S.Pd., S.H., sarta dihadiran ku Camat Cugenang, Ali Akbar, S.Kom., M.Ap. Hadir ogé jajaran pamong desa, Badan Permusyawaratan Desa (BPD), Lembaga Pemberdayaan Masyarakat (LPM), Karang Taruna, Tim Penggerak PKK, kader desa, para ketua RT jeung RW, tokoh masarakat, sarta unsur kaamanan ti Bhabinkamtibmas jeung Babinsa.

​Desa Sukamanah gaduh wewengkon anu cukup lega, nyaéta diwangun ku 4 dusun, 9 Rukun Warga (RW), jeung 27 Rukun Tetangga (RT). Dina musyawarah ieu, unggal ketua RT diwajibkeun mawa berkas usulan pembangunan ti warga di lingkunganana séwang-séwang pikeun dibahas bareng.

​Dina biantarana, Kepala Desa Sukamanah, Indra Surya Pradana, S.Pd., S.H., negeskeun yén pihak desa bertindak salaku fasilitator dina nampung tur ngawujudkeun aspirasi masarakat.

​"Pihak desa di dieu mung ngafasilitasi usulan warga liwat ketua RT. Simkuring bakal ngutamakeun pangwangunan anu leres-leres méré mangpaat nyata ka warga, sarta pangwangunan anu teu acan pernah tersentuh sateuacanna kalawan tetep ningali kamampuan kauangan anu dikelola ku desa," jelas Indra.

​Sakabéh usulan anu geus dihijikeun ti tingkat RT bakal dicatet jeung dikaji sacara jero pikeun satuluyna direalisasikeun dina taun anggaran 2027. Dreng ngaliwatan musyawarah tingkat desa ieu, pamaréntah desa miharep sakabéh lapisan masarakat tiasa komprehensif ngartos mékanisme perencanaan pangwangunan desa tur hasilna engké leres-leres méré mangpaat anu lega pikeun kamajuan Desa Sukamanah. (r2)